الفرق بين مهند واى شاب مصرى

السلام عليكم ورحمه الله وبركاته
مهند : يرجع من الشركة .. يروح لـ نور .. يبوس راسها .. وبحنان يحضنها .. زى عصافير الجنة .. يقولها : ( وحشتيني .. ما بـقدر اتحمل بُعدك عني ! بكفــي 8 ساعات بالشركة ما بشوووفـك ..! )

الشاب المصرى : يرجع من العمل .. يروح
لـزوجته .. وهو مكشر والشمس واكله راسه .. يخش على زوجته لا سلام ولا كلام .. يغير هدومه ويحدفهم على السرير او على الشماعة .. ويزود برودة المكيف ان كان موجود لو مش موجود يزود سرعة المروحه
ويقول لزوجته : ( بسرعه حطي الغدا انا ميت من الجوووووووع .. المدير هدنى بالشغل النهارده الله ياخذه ! بسررررررررعه حطي الغدا انتى مش شايفانى تعبان وعايز اكل وانام ؟؟ ) ..



مهند : نور حامل .. يا سلام على الدلع ! خايف عليها من نسمة الهوا .. ويقولها : ( كلّي حبيبتي عشانك وعشان ابننا ! وديري بالك ع صحتك .. وما تزعلي ابـــداً عشان البيبي ما يزعل

الشاب المصرى :مرات المصرى حامل ! وياعينى المسكينه بتتوحم على تفاح احمر ..
يروح يقولها : ( اووووووووفففف !! شوفي ما تزنيش فوق راسي !! ابلعي التفاح الاخضر وانتي ساكته .. مش لازم احمر ! اهو كله تفاح .. ما تتأمريش عليا وحياة ابوكى )


مهند : طالع مع نور السوق يشترون لهم هدوم
ودار الحوار التالي

نور : حبيبي .. شو رايك بالفستان الاحمر .. حلو مو ؟!

مهند : أيـــــــه ! حلو كتير .. بس لو لبستيه بيجنن اكتر .. انتي بتحلّي الفستان !

نور ( مستحيه ) : بحبـــــــــــك .. دخيلك منين جايب كل هالغزل هااد ؟

مهند : دخيلك انتي ! تؤبرنـــي ابتسامتيك شو حلوه !


الشاب المصرى : طالع مع زوجته السوق ..
لم يدر بينهم اى حوار .. ليه ؟!
لانه هو يمشي قدام .. وهي وراه بتجرى .. وكل اللي قاله ( بسرعه خلصي .. يلا بسرعه عايز الحق شوبير قبل ما ينهى البرنامج ) !


مهند : قام من النوم نص الليل .. ما شاف زوجته جنبه .. قلق عليها .. فراح يدورعليها .. ولقاها رايحه تشرب مايه بالمطبخ .. قال لها ( لِـــك ! شغلتي بالي عليكــي .. وين كنتي ؟! بتشربي ميّ ؟! بالهنا حبيبتي مطرح ما يسري يمري )

الشاب المصرى : قام من النوم فى نص الليل .. ما لقاش مراته جنبه اقعد ينادى عليها

يصرخ ويقول : ( مناااااااااااال انتى فين يا مناااااااااااال مناااااااااااال ما تردى عليا ردت الاله فى زورك مناااااااااااال الهى تكسر رقبتك ياشيخه انتى رحتى فين؟؟!!

خليتي باب الاوضه مفتوح نص سنتيمتر .. وادى الهوى بتاع المكيف كله طلع برا والدنيا بقت حرررر .. انتى مش بتحسى .. دمك بارد .. الله ياخذ اليوم اللي اتجوزتك فيه ) ..

مهند : قاعد يقرا كتاب .. وفجاه نور جايه .. لابسه فستان جديد ..

وصار الحوار الاتى

نور : حبيبي شو رأيك بالفستان الجديد ؟!

مهند : بيجنن عليكي ! هياكل منك حته

الشاب المصرى : قاعد يشوف مباراه الاهلى والزمالك
و زوجته فرحانه بالفستان الجديد .. وعايزاه يشوفها .. عدت من قدامه عشان يشوفها

وصار الحوار الاتى

الزوج : قوووووووووووومي قامت عليكى حيطه !
انتى مش شايفانى بتفرج على الماتش ؟!

الزوجه : حبيبي مالك .. كنت عايزاك تشوف فستاني الجديد .. ايه رأيك ؟!

الزوج : جيتى خربتى عليا الماتش .. عاجبك كده ادينى ما شفتش الجون لما دخل كله منك !

الزوجه : انسى الماتش .. وقولى ايه رأيك فى الفستان ؟!

الزوج : ايه الموضة البايخه اللي طالعين فيها اليومين دول بذمتك ده فستان يتلبس
يلا امشى من هنا وسيبينى اتفرج على الماتش...


هاآهـ ايهـ رأيكم؟؟؟!!!

==========

مع كل التقدير للشاآب المصري...و يبقى الشاآب المصري رجلاآ بمعنى الكلمهـ...

ولاآ 100 مهند...

لومه الشقيه

يااااااااااااااااااااااادي مهند ده انا زهقت
واله مع اني سمعت المسلسل بالكامل
بس انا اتروشت كل ما ادخل علي منتدي الي مهند ونور
طيب والشب المصري ماله ده غلبان وفي حاله
بس هو هيعمل ايه قولولوا انتم يعمل ايه
يا عيني بيخرج من صباحة ربنا علشان يوفر لمراته مستوي كويس
وبيسابق الزمن بس هيعمل ايه العيشه مش تساعده علي كده
بس مهند كان متدلع وجده كان مظبطه
وكانت عيله غنيه
بس والله العظيم الشاب المصري مظلوم في النص
بس والله الشاب المصري عندي ممتاز

وانا اسف لعشاق مهند ونور



شكرا علي مجهودك يا احلام

اولا شكرا لمرورك وردك الرائع ده
وانا على فكره الشاب المصرى الغلبان احسن عندى من مليون مهند
انما انا عجبنى الموضوع فقلت اعرضه فى المنتدى

انا اسف لو كنتي زعلتي
بس انا ببين الشاب المصري
بس انا والله اتروشت من مهند خالص

لا خااااااااااااااااااالص انا مش زعلت منك خالص
بالعكس انا عجبنى رايك اووووووووووووى
وانا كمان خلاص صحابى كلهم معجبين بمهند
نفسى اعرف على ايه ماهو ولد عادى زى بقيت الولاد
وانا والله مش زعلت منك خالص

شكرا للمرور يا زهره نورتى الموضوع